Nju Jorku bëhet qyteti i parë i madh në Shtetet e Bashkuara që lejon thirrje telefonike falas nga burgu.

Kjo u njoftua nga kryebashkiaku Bill de Blasio. Masa hyri në fuqi të enjten, pasi u miratua nga këshilli i qytetit vitin e kaluar.

“Për një kohë të gjatë, të paraburgosurit janë përballur me pengesa në lidhje me aspektet themelore të jetës së përditshme, të cilat mund të ndihmojnë në krijimin e qëndrimit në burgjeve në mënyrë më humane”, tha de Blasio.

“Me thirrjet falas, ne po sigurojmë që të burgosurit të kenë mundësinë të qëndrojnë në kontakt me avokatët e tyre, familjet e tyre dhe rrjetet mbështetëse që janë vendimtare për ri-hyrjen në komunitetin e tyre“, shtoi ai, përcjell gsh.

Deri tani, thirrjet telefonike kushtojnë 50 cent për minutën e parë dhe 5 cent për çdo minutë të mëvonshme.

Tani, megjithatë, Departamenti i Korrigjimit do të mbulojë koston e mbi 25 mijë telefonatave të bëra nga burgjet e Nju Jorkut dhe të burgosurit do të jenë në gjendje të bëjnë thirrje çdo tre orë për një total prej 21 minutash kudo në Shtetet e Bashkuara.

Përveç kësaj, linja telefonike shtesë do të instalohen për të menaxhuar rritjen e volumit të thirrjeve.

Sidoqoftë, bashkimi i oficerëve të burgjeve kishte shprehur shqetësimin e vet për politikën e re, duke shpjeguar se thirrjet falas mund të ndihmonin bandat që vepronin në burgje.