Oda Ekonomike e Kosovës (OEK) të shtunën do të prezantojë rezultatet e studimit “Klima e biznesit në Kosovë”.

Sipas OEK-ut, ky studim është projektuar për të identifikuar dhe artikuluar pengesat e të bërit biznes për komunitetin e biznesit në Kosovë dhe parashikimin e trendëve të ekonomisë së vendit në periudhë tre mujore dhe periudhë ciklike gjashtë mujore, raporton Ekonomia Online.

Në këtë tremujor, pritjet për punësim janë ndër më të lartat të vlerësuara në katër vitet e fundit. Të gjithë sektorët e përfshirë në anketim, presin gjendje më të mirë të biznesit edhe në 6 muajt e ardhshëm.