Kombet e Bashkuara kanë deklaruar se rreth gjysmë milion civilë irakenë janë arratisur nga Mosuli, ku po zhvillohet që prej tetorit të kaluar ofensiva kundër ISIS.

Rreth 493 mijë persona kanë braktisur qytetin thuhet nga zyra për koordinimin e çështjeve humanitare.

Kombet e Bashkuara kanë shtuar se, rezervat me ushqim, ilaçe dhe ujë të pijshëm po përfundojnë, duke prekur kryesisht zonën perëndimore të qytetit, ku dhe luftimet janë më intensive krahasuar me lindjen, që u çlirua në janar nga forcat e koalicionit ndërkombëtar.