Ushtruesja e detyrës së presidentes, Vjosa Osmani, ka kërkuar unitet nga të gjithë përfaqësuesit politik në vend, raporton Ekonomia Online.

Sipas saj, vendit i duhet një skeptër politik i bashkuar e që flet një zëri. Shembull për këtë ajo tha se duhet të merret ish-presidenti Ibrahim Rugova, që siç tha ajo ka qenë unifikues dhe zëri i gjithë shqiptarëve ku do në botë.

“Për mua dhe të gjithë besoj që në këto kohë të vështira për vendin është me rëndësi që të vijmë të përkulemi dhe të shprehim nderimet tona për njerëzit që ishin jo vetëm arkitekt të shtetit të pavarur, por edhe simbol i urtisë dhe maturisë dhe bashkimit rreth një kauze të vetme”.

“Bashkë me bashkëpunëtorët e mi erdhëm të nderojmë presidentin Rugova, njeriu që përmes një politike të pashembullt arriti që t’i bashkojë të gjithë shqiptarët”.

“Në kohën kur të gjithë duhet të flisnim një zëri, arriti ta bashkojë atë zë, e ai zë të jehojë që bota të dijë jo vetëm ku është Kosova po ta marrë vesh për secilin krim që Serbia kreu, jemi këtu për ta nderuar atë punë, shembullin e bashkimit dhe unitetin”.