Organizatat e dala nga lufta e Ushtrisë Çlirimtare të Kosovës, ka shprehur mirënjohjen ndaj gjeneralit amerikan në pension, Wesley Clark, i cili dha dëshminë pranë Dhomave të Specializuara në Hagë.

OVL-UÇK thotë se deklaratat e Clark përveçse ishin profesionale dhe të mbështetura në fakte historike, është edhe një dëshmi tjetër e mbështetjes së vazhdueshme të ShBA-ve për Kosovën dhe drejtësinë.

“Faleminderit Gjeneral Wsley Clark! OVL e UÇK-së shpreh mirënjohjen dhe falënderimin e thellë për gjeneralin amerikan Wesley Clark, për praninë, integritetin dhe gatishmërinë e tij që të dëshmojë në Dhomat e Specializuara në Hagë në mbrojtje të së vërtetës mbi luftën tonë çlirimtare dhe rolin e UÇK-së. Dëshmia e tij e qartë, profesionale dhe e mbështetur në fakte historike, është një dëshmi tjetër e mbështetjes së vazhdueshme të Shteteve të Bashkuara të Amerikës për Kosovën dhe për drejtësinë. Fjalët e gjeneral Clark jo vetëm që konfirmuan të vërtetën tonë, por edhe nderuan sakrificën e mijëra luftëtarëve që u rreshtuan për liri. Në emër të të gjithë veteranëve të UÇK-së, i shprehim falënderimin tonë të sinqertë gjeneral Clark-ut, dhe përmes tij, popullit dhe shtetit amerikan, për mbështetjen e pakursyer që i kanë dhënë dhe i japin gjithmonë Kosovës”, tuhet në shkrimin e OVL-UÇK.