Serbia është duke përgatitur një plan sekret për trazira në Kosovë gjatë viti 2018. Informatat janë siguruar nga Instituti i Kosovës për studime ndërkombëtare.

Sipas informatave që posedon ky institut, sigurimi shtetëror në Serbi ka themeluar një njësi të veçantë të quajtur “Ujqit” i cili do të organizojë një plan sekret, ku do të organizojë aktivitete të dhunshme (trazira etnike) në Kosovë.

Klan Kosova ka siguruar këtë dokument sipas të cilit ku njësit bazë e ka në Nish të Serbisë, por operon në gjithë territorin e Kosovës me tetë baza të saj, ku të angazhuar janë 162 persona të cilët edhe në të kaluarën kanë qenë pjesë e strukturave serbe të sigurisë – për këtë plan janë siguruar 20 milionë euro, njofton Klan Kosova.

Dyshohet se nga këto aktivitet dhune do të ndryshojë edhe situata e sigurisë dhe kështu edhe të serbëve që jetojnë dhe punojnë në Kosovë.

Këto burime janë të informuara se Qeveria e Serbisë do të dalë më disa kërkesa ndaj ndërkombëtarëve dhe Qeverisë së Kosovës.