Pamje emocionuese vijnë nga Turqia, ku një fëmijë 8-vjeçar, Yigit Cakmak, u nxor i gjallë nga rrënojat nga punonjësit e urgjencës në Hatay, 52 orë pas tërmetit që goditi rajonin.
Fotografi i Getty, Burak Kara, ka kapur momentet e vogëlushit teksa është nxjerrë nga ndërtesa e shembur.
Djali u kalua mbi gërmadhat nga një shpëtimtar në tjetrin derisa më në fund u gjend në krahët e nënës së tij.
Ky nuk është rasti i parë kur skuadrat e shpëtimit bëjnë mrekullinë në Turqi duke shpëtuar dhjetëra jetë fëmijësh dhe të rritur.