Kryetari i Lidhjes se Historianëve të Kosovës “Ali Hadri” dega në Deçan, Dr.Shkodran Imeraj, do të flas sot para mediave.
Sipas njoftimit zyrtar, thuhet se Imeraj do flas në ora 15:00, para zyrave të Agjencisë Kadastrale të Kosovës në Prishtinë (ndërtesa e Arkivit të Kosovës) në lagjen e Spitalit.
Detaje tjera nuk janë bërë publike, ndërkohë që para pak çastesh, kryeministri Albin Kurti ka njoftuar në mbledhjen e Qeverisë se i ka kërkuar Agjencionit Kadastral të Kosovës që ta zbatojë vendimin e Gjykatës Kushtetuese për t’ia regjistruar pronën Manastirit të Deçanit.