Kryetari i AAK-së, Ramush Haradinaj, ka reaguar pasi Mbreti Charles është diagnostikuar me kancer.

Përmes një postimi në rrjetin social Facebook, Haradinaj ka thënë se lajmin e ka marrë me shqetësim, por shpreson që mbreti Charles ta mundë sëmundjen dhe t’i kthehet shëndetit të plotë.

“Me shqetësim mora lajmin për gjendjen shëndetsore të Mbretit të Mbretërisë së Bashkuar, Charles III. Bashkëndjejmë në këto momente të rënda me familjen mbretërore. Shpresojmë që mbreti Charles III do ta mundë sëmundjen e t’i kthehet shëndetit të plotë”, ka shkruar Hardinaj.