Me rastin e fundvitit dhe fillimin e Vitit të Ri 2020, Kryetari i Partisë Demokratike të Kosovës, Dega në Prizren, Shaqir Totaj, në emër të Partisë Demokratike dhe në emër të strukturave të saj, i uron të gjithë qytetarët e Komunës së Prizrenit, duke i’u dëshiruar shëndet të mirë, gëzime familjare dhe lumturi në jetë.

Në këto çaste gëzimi, ne presim Vitin e Ri 2020, me krenari dhe mirënjohje më të thellë për njëri tjetrin, për përpjekjet dhe përkushtimet për arritjet tona. Uroj me dëshirë që Viti i Ri 2020, të jetë më i suksesshëm se viti që po e lëmë pas.

Viti i Ri 2020, le të jetë vit i angazhimeve të përbashkëta politike, me qëllim të përmirësimit të jetës së qyetatarëve të Komunës së Prizrenit.

Le të jetë ky Vit i Ri, një vit i bekuar që sjell shëndet, begati, paqe dhe dashuri në jetën tuaj dhe të familjes suaj.

Urime dhe Gëzuar Viti i Ri 2020!