Drejtori i zyrës së ashtuquajtur për Kosovë Petar Petkoviç ka thënë sot se i “gjithë shou politik i Kurtit në Bruksel është i planifikuar që pala serbe të nxitet në reagim”, shkruan “Kurir”.

Petkoviç u shpreh se Vuçiq që nga fillimi i dialogut politik ka biseduar me Thaçin, Mustafën, Hotin, por bisedat me Kurtin janë “çudi e paparë”.

“Për to mund të pyesni edhe përfaqësuesit e BE-së Borel edhe Lajçak. Për takimin në nivelin e lartë politik jemi përgatitur në bisedimet teknike që janë mbajtur me 7 korrik”, tha ai.

“Asokohe kemi marr draftin nga BE rreth të cilave duhej tl akordoheshim, ishte fjala për tri pika dhe në to nuk kishte asgjë kontestuese dhe dikush që refuzon është e qartë se ai nuk mendon për paqe dhe nuk dëshiron të shkojë në drejtimin e normalizimit zë raporteve mes Beogradit edhe Prishtinës”, tha Petkoviç.