Prokuroria e Shtetit gjatë ditës së djeshme ka ngritur 32 aktakuza ndaj 41 personave.

Prokurori e Shtetit ka bërë të ditur se gjatë 24 orëve të fundit prokuroritë themelore kanë ngritur 32 aktakuza kundër 41 personave për vepra të ndryshme penale.

Sipas njoftimit, me urdhër të prokurorit të shtetit janë ndaluar 15 persona.

Po ashtu, prokurori i shtetit ka bërë tri kërkesa për caktimin e paraburgimit të katër personave, të dyshuar për vepra të ndryshme penale.

Njoftimi i plotë pa ndërhyrje:

Prokurori i Shtetit njofton opinionin se gjatë 24 orëve të fundit prokuroritë themelore kanë ngritur tridhjetedy (32) aktakuza kundër dyzetenjë (41) personave për vepra të ndryshme penale, si dhe me urdhër të prokurorit të shtetit janë ndaluar pesëmbëdhjetë (15) persona.

Po ashtu, prokurori i shtetit ka bërë tri (3) kërkesa për caktimin e paraburgimit të katër (4) personave, të dyshuar për vepra të ndryshme penale.

Prokuroria Themelore në Prishtinë, gjatë 24 orëve të fundit, me urdhër të prokurorit kujdestar, ka ndaluar katër (4) persona të dyshuar. Po ashtu, kjo prokurori ka bërë tre (3) kërkesa për caktim të masës së paraburgimit për katër (4) persona. Gjatë 24 orëve të fundit, Prokuroria Themelore në Prishtinë, ka ngritur tre (3) aktakuza kundër tre (3) personave për vepra të ndryshme penale.

Prokuroria Themelore në Prizren, Departamenti i Përgjithshëm, me urdhër të prokurorit ka ndaluar një (1) person, nën dyshimin se ka kryer veprën penale “Dhuna në familje”.

Po ashtu, nga kjo Prokurori janë ngritur tetë (8) aktakuza kundër trembëdhjetë (13) personave, për vepra të ndryshme penale të parapara në Kodin Penal të Republikës së Kosovës (KPRK).

Prokuroria Themelore në Pejë,  gjatë 24 orëve të fundit ka ndaluar tre (3) persona për vepra të ndryshme penale, si dhe ka tri (3) aktakuza kundër katër (4) personave.

Prokuroria Themelore në Gjilan, me urdhër të prokurorit kujdestar ka ndaluar tre (3)persona të dyshuar dhe ka ngritur gjashtë (6) aktakuza, kundër gjashtë (6) personave.

Prokuroria Themelore në Gjakovë,  gjatë 24 orëve të fundit, me urdhër të prokurorit kujdestar,  Prokuroria Themelore në Gjakovë- Departamenti i Përgjithshëm, ka ndaluar një (1) person të dyshuar në kohëzgjatje prej 48 orësh, si dhe, Departamenti i Përgjithshëm ka ngritur dy (2) aktakuza kundër dy (2) personave për vepra të ndryshme penale.

Brenda 24 orëve, Prokuroria Themelore në Mitrovicë, ka ngritur katër (4) aktakuza kundër katër (4) personave, për vepra të ndryshme penale.

Prokuroria Themelore në Ferizaj, gjatë 24 orëve të fundit, ka ndaluar tre (3) persona të dyshuar si dhe ka ngritur gjashtë (6) aktakuza kundër nëntë (9) personave për vepra të ndryshme penale.