Kelly Clarkson dhe partneri i saj do t’i japin fund martesës pas 7 vitesh bashkë dhe dy fëmijëve. Cili ishte shkaku i ndarjes? Sipas këngëtares, divorci ishte opsioni i saj i vetëm!

Duket se dyshja kishte probleme prej muajsh dhe ishin përpjekur t’i zgjidhnin duke kaluar shumë kohë në prani të njëri-tjetrit. Ata u karantinuan larg Los Angeles-it për t’i kthyer gjërat në normalitet, por në fakt, rezultoi krejt ndryshe.

Karantina dhe mjedisi që i rrethoi për muaj me radhë, vetëm sa e bindi çiftin përfundimisht për t’u divorcuar.

“Koha që kaluan bashkë në karantinë, vetëm sa e bëri edhe më sfiduese situatën. Karriera e Kelly-it e ndihmoi paksa ta hiqte mendjen nga problemet, por gjendja e këtyre muajve i dha kohë të mendonte për veten dhe martesën e saj”,shprehen burime për Entertainment Tonight.

Procesi i divorcit ka nisur prej disa javësh sepse këngëtarja e dinte që “duhet të ndiqte zemrën dhe se më në fund kuptoi që divorci ishte opsioni i saj i vetëm”.

Çifti janë prindër të dy fëmijëve, prandaj takimet familjare vijojnë si më parë. Në fakt, burime pranë tyre thonë se “të dy janë zemërthyer, por prioriteti kryesor janë fëmijët”.

“Fokusi i tyre tani është bashkëprindërimi, pasi kjo situatë ishte gjëja e fundit që ata mendonin se mund të gjendeshin ndonjëherë. Ata e kuptojnë që divorci s’është i thjeshtë për fëmijët, por si Kelly ashtu dhe Brandon janë prindër të mrekullueshëm. Duhet thjesht kohë”.