Kandidati për deputet nga radhët e koalicionit AAK-PSD, Dardan Sejdiu, ka treguar pesë veprimet që do ta luftojnë varfërinë në vend.

Përmes një statusi në rrjetin social Facebook, Sejdiu ka shkruar se pas 6 tetorit do të transformohen padrejtësitë dhe pabarazitë e shoqërisë.

Statusi i plotë i tij:

Janë pesë veprime që luftojnë varfërinë, pabarazinë dhe padrejtësitë me të cilat do ta transformojnë shoqërinë pas 6 tetorit.

1. Transformimi ekonomik.

2. Ligji për sigurime shoqërore, pra mbrojtja në kohë të vështira.

3. Transformimi i arsimit, që të jemi gati për ekonominë e automatizuar e digjitale.

4. Sistemi shëndetësor publik, pra shëndetësi për të gjithë e që financohet nga buxheti shtetëror.

5. Sistemi i fuqizuar i drejtësisë në resurse dhe i rivlerësuar në kompetenca e etikë profesionale.

Jam përpjekur t’i shpjegoj këto zgjidhje dhe veprime gjatë kësaj fushate, si në ide ashtu edhe në mënyrën e zbatimit dhe rezultatit të tyre.

Pesë gishtat e një dore janë pesë njësi të pavarura, por nëse i mbyllim në një grusht, atëherë kemi organizim dhe fuqi vepruese.

Me këto pesë veprime mund ta grushtojmë varfërinë, pabarazinë dhe padrejtësitë.