Policia e Kosovës ka dhënë informacionet për protestën e mbajtur sot në Prishtinë.

“Sot, më 05.08.2016, nga ora 18:00, sipas procedurave të parapara ligjore është paralajmëruar se do të mbahet një protestë në Sheshin ‘Zahir Pajaziti’ në Prishtinë. Në këtë protestë kanë marr pjesë rreth 150 protestues dhe rreth orës 19:15, protesta ka përfunduar e qetë dhe pa incidente”, thuhet në njoftimin e Policisë së Kosovës.

Organizatorët ende nuk kanë dalë me ndonjë shifër për numrin e pjesëmarrësve në protestën e sotme.

Ajo u organizua spontanisht nga qytetarët të indinjuar me skandalin e radhës të përgjimeve, ku protagonist është shefi i Grupit Parlamentar të PDK-së, Adem Grabovci, e ku shpërfaqet abuzimi me pushtetin.