Bajrami dhe Nagavci debatojnë për marrëveshjen e financimit të bursave

Prishtinë | 11 Qer 2021 | 11:45 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Ish-ministrja e Arsimit, Hikmete Bajrami, ka akuzuar ministren, Arbërie Nagavci, se po financon bursa të studentëve për një fakultet në Selanik të Greqisë që sipas saj, nuk është cilësorë, raporton Ekonomia Online.

“Kjo marrëveshje në interes të kujt ishte, nuk është në interes shtetëror por besoj edhe as në atë të studentëve. I bëjë thirrje kryeministrit që t’i kërkojë raportit ministres së Arsimit, që kjo marrëveshje të rishikohet dhe anulohet menjëherë. Ky është keqpërdorim i buxhetit dhe ka qenë i tillë prej vitit 2009″, ka thënë Bajrami.

Kurse Nagavci ka sqaruar se nuk ka të përfshirë punëtorë të ministrisë së Arsimit në konflikt interesi sa i përket ndarjes së bursave.

“Keqpërdorimet në të kaluarën kanë qenë nga stafi i ministrisë që kanë qenë të lidhur ngushtë me politikën dhe kanë përfituar, kësaj radhe nuk kemi lejuar dhe që ndonjë punëtorë do të ketë ndonjë konflikt interesi për të përfituar nga mundësia e shpërndarjes së bursave”.

“Kolegji është pjesë e kampusit evropian të universitetit të Jorkut, diplomat lëshohen nga ai. Nëse e shohim për rangimin, atëherë besoj se duhet të shikohet i universitetit që i pranojnë studentët e që është i ranguar i 133-ti. Dhe për më shumë ajo që e përmenda është e rëndësishme që ne kemi përjashtuar nga mundësia e përfitimit çfarëdo personi që mund të ketë konflikt interesi, siç ka ndodhur në të kaluarën”.

Lexo më shumë:

Të ngjashme