Ministrja e Drejtësisë, Albulena Haxhiu, nuk ka dashur ta komentojë raportin e Institutit të Mjekësisë Ligjore në Lozanë të Zvicrës, lidhur me rastin e Astrit Deharit, raporton Ekonomia Online.

Ajo ka dashur t’i referohen komunikatës së djeshme të dërguar nga dikasteri i saj, e cila e ka akuzuar e Prokurorinë Speciale të Kosovës për propagandë e manipulim në rastin e vdekjes së Astrit Deharit, ish-aktivist i Lëvizjes Vetëvendosje.

“Kemi fol dje për këtë rast dhe natyrisht do të flasim sërish. Sot është një ditë tjetër dhe do të flasim për çështjen për të cilën jemi këtu”, tha shkurt Haxhiu.