Kryeministri në detyrë, Albin Kurti, pak para nisjes për në Qeveri, ka thënë se po ndihet shumë mirë derisa po dilte nga banesa e tij. Tha se po shkon në mbledhjen e qeverisë ku do të merren disa vendime të rëndësishme.

Ai ka thënë se në këtë mbledhje do të ndahen 30 mijë euro për familjet e dy minatorëve që humbën jetën dje në minierën e Artanës.

“Shumë mirë, kemi një mbledhje të Qeverisë në ora 10:00, në të cilën do t’i marrim disa vendime të rëndësishme, ku vendimi i parë do të jetë ndihma prej 30 mijë euro për familjet e dy minatrëve të cilët fatkeqësisht humbën jetën dje në minierën e Artanës”, ka thënë Kurti pak para nisjes për në Qeveri.