Nënkryetari i PDK’së, Memli Krasniqi, ka thënë në emisionin Pressing në T7 se subjekti i tij është pro zgjedhjeve por ai ka shtuar se sistemi i tanishëm, me vendimin e Gjykatës Kushtetuese të vitit 2014, ka shumë paqartësi.

‘’Po ne jemi pro zgjedhjeve, e kemi thënë këtë. Kemi qenë konsistent në qëndrime. Por e vërteta është se zgjedhjet nuk mund të mbahen në këtë kohë pasi është shumë e vështirë. Duhet një ndryshim i sistemit zgjedhor para mbajtjes së zgjedhjeve. Duhet të ketë më shumë qartësi. Nuk duhet të i mbes hatri askujt. Do kishte qartësi dhe zgjedhjet do ishin më kuptimplotë’’, ka thënë Krasniqi.

‘’Kishim vendimin e vitit 2014, që për mendimin tim personal prisja të dilte me mir. Pse e them këtë? Sepse duhet të ofronte qartësi tek puna e fituesit. Nuk mund të përjashtohet fituesi në asnjë opsion nga matematikat e krijimit të qeverisë. Në vitin 2014 ishim fitues bindshëm. Nuk kishte një fitore të njëjtë më parë. Ishte e padrejtë se si VLAN u mundua të krijonte shumicën parlamentare dhe të anashkalonte fituesin.’’, shtoi ai.