Deputeti i Lidhjes Demokratike të Kosovës, Anton Quni, ka folur në lidhje me programin qeverisës të Lëvizjes Vetëvendosje, në emsioinin Blic InterView me Astrit Gashin.

Quni tha se janë në fazën e analizimit dhe studimit të këtij programi.

“Ne tani jemi duke analizuar planin qeverisës që ka ardhur me vonesë. Ne do të bëjmë një lloj studimi dhe analize, gjithmonë duke i përgëzuar punët e mira të planifikuara, por edhe duke i kritikuar ato që nuk janë në interes momental. Unë personalisht jam duke e trajtuar më shumë çështjen e sigurisë. Si profesionist i fushës qe jam, natyrisht qe i kam vërejtjet e mija“, tha ndër të tjera Quni.