Selimi takohet me presidentin Meta: Uniteti, çelësi i fuqizimit të faktorit shqiptar në rajon

Tiranë | 10 Sht 2020 | 15:58 | Nga Kastriot Kokollari Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Ministri i Drejtësisë Selim Selimi, gjatë vizitës së tij zyrtare në Shqipëri, është takuar me të parin e këtij shteti Ilir Meta.

Selimi, ka thënë se me presidentin shqiptar kanë biseduar për zhvillimet e fundit politike në të dyja vendet, ashtu si edhe për fuqizimin e faktorit shqiptar në rajon.

“Nder i madh të takoja sot Presidentin e Republikës së Shqipërisë, Ilir Meta. Bashkëbisedim i hapur për zhvillimet e fundit politike në të dy anët e kufirit, duke vlerësuar poashtu se uniteti është çelës për fuqizimin e faktorit shqiptar në rajon”.

“Populli shqiptar ka në qenësinë e tij vlerat euro-atlantike dhe e vetmja rrugë për të përshpejtuar integrimin në BE, aty ku përket natyrshëm, është fuqizimi i sundimit të ligjit dhe të çdo hallke të sistemit të drejtësisë“.

Gjatë vizitës zyrtare në Shqipëri, i pari i drejtësisë është takuar me homologen e tij nga Shqipëria Etilda Gjonaj me të cilën është dakorduar për avancim të bashkëpunimit Kosovë-Shqipëri në fushën e drejtësisë.

Lexo më shumë:

Të ngjashme