Deputeti i LDK-së, Driton Selmanaj ka thënë se Albin Kurti do ta rrëzojë veten vitin e ardhshëm për shkak të siç thotë ai, pazotësisë për t’u përballur me tema të mëdha.

Selmanaj tha se kryeministri Kurti nuk guxon ta mbyll dialogun i vetëm.

“Këta kanë me e rrëzu veten nga frika e këtij përfundimi që mund t’u vije pas disa vitesh, këta kanë me e rrëzu veten për shkak të pazotësisë për me u ballafaqu me tema të mëdha. Albin Kurti si i vetëm nuk mund ta mbyll temën e dialogut me Serbinë, edhe pse i ka votat”, ka thënë Selmanaj në Context.

“Jo që ai nuk don, por nuk guxon. Fatkeqësisht po më duket se në vitin e ardhshëm (do ta rrëzojë veten), kam dëshirë ta shoh më gjatë, sepse sa më gjatë që qëndrojnë këta, dekonspirohen”, tha ndër të tjerash deputeti i LDK-së.