Shefi i grupit parlamentar të AAK-së Besnik Tahiri, me rastin e ditës së çlirimit në Shqiponjë të Gjakovës, ka bërë nderime pranë lapidarit të dëshmorëve, si dhe ka vendosur kurora lulesh.
Ai ka thënë se Rezistenca e kësaj treve ndër vite, mobilizoi shumë luftëtarë të shquar dhe bëri të mundur nisjen e një kthese historike për popullin shqiptar.
“Sot në Shqiponjë për nder të Ditës së Çlirimit, nderuam sakrificën dhe luftën e lavdishme të kësaj ane në luftën për liri. Rezistenca e kësaj treve ndër vite, mobilizoi shumë luftëtarë të shquar dhe bëri të mundur nisjen e një kthese historike për popullin shqiptar. Lavdi gjithë dëshmorëve të kombit!”, ka shkruar Tahiri në profilin e vet në “Facebook”.