Presidenti i vendit Hashim Thaçi është shprehur se ai gjithmonë ka qenë transparent në negociatat që ka zhvilluar në Bruksel.
”Të arriturat e dialogut në Bruksel duhet të vazhdohen”.
”Pas çdo takimi në Bruksel unë kam raportuar në Kuvendin e Republikës së Kosovës, procesi ka qenë gjithmonë transparent, në rrafshin e brendshëm por dhe ndërkombëtar”.
Megjithatë sipas tij BE u tregua e pafuqishme t’i sjellë njohjen nga Serbia Kosovës.
”Por ky proces nuk e arriti atë që ne dëshironim plotësisht. Mungesa e unitetit në Shtetet e BE-së, u reflektua edhe me gjasat dhe mundësitë e arritjes së një marrëveshjeje përfundimtare Kosovë-Serbi”.
Ai për këtë mori edhe disa shembuj:
”BE dhe shtetet anëtare të BE-së ende nuk arritën që t’i bindin pesë shtetet e BE-së që të nnjohin Pavarësinë e Kosovës”.
”Ndërsa nuk shihet as në horizont ndonjë shpresë që BE t’i bind këto vende për ta njohur Pavarësinë e Kosovës, e lëre më për ta bindur Serbinë për ta njohur Kosovën”.
”Gjasat janë zero, nuk shoh as përpjekje, është një rol dëshpërues nga Brukseli”.
”Kjo është gjendje që e gjejmë veten sot gati pas një dekade të dialogut në Bruksel sa i përket mundësisë që BE ta bind Serbinë për ta njohur Kosovën”.
LEXO EDHE: