Kandidati për kryeministër nga VV’ja, Albin Kurti ka zhvilluar një bashkëbisedim në Facebook me qytetarë të cilët i kanë bërë edhe pyetje të sikletshme.

Një ndër ta është edhe një qytetar nga qyteti i Vushtrrisë.

Samir Gashi e ka pyetur Kurtin për disa punësime familjare të nënkryetarit të Vushtrrisë i cili është nga Vetëvendosje, shkruan Periskopi.

“Nënkryetari i komunës së Vushtrrisë nga Vetëvendosje në Vushtrri, e ka punësuar gruan, balldëzken, një kusherinë në QKM, një kushëri tjetër e ka sjellë nga një shkollë e fshatit në qytet, ka marr pula nga subvencionet dhe kanë bërë shumë gjëra që i ka irrituar qytetarët në Vushtrri, a keni koment për këtë?”, është pyetja që ky qytetar nuk ka marrë përgjigje nga Kurti.