Driton Bardheci është emëruar zëvendësministër në Ministrinë e Arsimit dhe Shkencës.
Lajmin e ka bërë të ditur vetë Bardheci me anë të një postimi në rrjetin social Facebook, raporton Ekonomia Online.
“Sot, u emërova Zëvendësministër në Ministrinë e Arsimit dhe Shkencës. E falënderoj kryetarin Ramush Haradinaj dhe strukturat e AAK-së për besimin e dhënë! Është nder dhe përgjegjësi e madhe për mua që t’i shërbej shtetit tim dhe gjithë juve që më mbështetët në çdo periudhë. Zotohem se do të përkushtohem plotësisht me të gjitha kapacitetet e mija njerëzore dhe profesionale, në mënyrë që të përballemi suksesshëm me të gjitha sfidat gjatë reformës së sistemit arsimor”, ka shkruar Bardheci.
Por kush është zëvendësministri i emëruar sot nga Kryeministri Avdullah Hoti?
Driton Bardheci, është student i cili ende nuk i ka përfunduar studimet Bachelor në Fakultetin e Inxhinierisë Mekanike në Universitetin e Prishtinës dhe si student nuk e ka përgatitjen profesionale për detyrën që i është besuar. Me notë mesatare 6.8, një student zëvendësministër vetëm e degradon më shumë sistemin arsimor në Kosovë.
Në shkurt të këtij viti Aleanca për Ardhmërinë e Kosovës (AAK) e ka mbajtur një aksion simbolik para Qeverisë së Kosovës duke kundërshtuar heqjen e tarifën 100 për qind ndaj mallrave të Serbisë dhe Bosnje e Hercegovinës.
Përmes këtij aksioni, të rinjtë e AAK-së kërkuan që të mos hiqet tarifa pa njohje nga Serbia.
Driton Bardheci tani zëvendësministër kishte thënë gjatë aksinit sombolik se tarifa i ka sjellë Kosovës produkte shumë cilësore nga prodhuesit, si dhe ka krijuar vende të reja të punës.
Driton Bardheci tani është emëruar zëvendësministër në një qeveri e cila ka heq reciprocitetin me Serbinë.
Bardheci aktualisht mban edhe postin e kryetarit të të Rinjve të AAK-së.