Presidenti i Kosovës, Hashim Thaçi ka kujtuar njërin nga komandantët më të shquar të Ushtrisë Çlirimtare të Kosovës, Ismet Jashari, i cili njëzet vjet më parë në rezistencë të drejtpërdrejtë me forcat ushtarake dhe policore serbe ra heroikisht.

“Njëzet vjet më parë në rezistencë të drejtpërdrejtë me forcat ushtarake dhe policore serbe ra Ismet Jashari – Kumanova, njëri nga komandantët më të shquar të Ushtrisë Çlirimtare të Kosovës. Ismet Jashari dhe shumë bashkëluftëtarë tjerë dëshmuan më së miri për përmasat kombëtare të luftës sonë të drejtë: në të u përfshin atdhetarë nga gjithë trojet shqiptare dhe nga diaspora, duke dhënë gjithçka materiale, deri tek aktet sublime, rëniet në altarin e lirisë”, ka shkruar Thaçi në Facebook.