Afro 50 milionë euro në vit do të jetë kostoja shtesë e Projektligjit për paga, i cili dy ditë më parë ishte tërhequr nga rendi i ditës në Qeverinë e Kosovës, me kërkesë të Zyrës së Bashkimit Evropian në Kosovë.

Shkaku i implikimeve të mëdha buxhetore, BE-ja ka kërkuar që të bëhet një vlerësim mbi ndikimin fiskal të këtij projektligji, shkruan Koha Ditore.

Nga Zyra e BE-së në Kosovë kanë thënë për gazetën se vazhdojnë të mbështesin përpjekjet e Kosovës për ta reformuar sistemin e të ardhurave në sektorin publik në mënyrë që të sigurojnë parimin e pagesës së barabartë për punën e njëjtë, duke definuar sistemin e pagave dhe mëditjeve në mënyrë më transparente.

“Draftligji është shumë ambicioz në shtrirjen e tij dhe do të ketë shumë implikime buxhetore.