Koha kalon . Kaluan dy muaj . Do të kalojnë edhe më shumë . Entuziazmi dhe ndjenja e çlirimit nga një klasë në esencë korrupituve, kaloi . Mbeti monotonia e njëjtë . Melankolia nuk na lëshon dot, thuajse e duam atë .

Bëmë zgjedhje për zgjidhje . Dhamë zgjidhjen tonë në bazë të ofertës së tyre për qytetarin. Pas shumë takimesh të shoqëruara me espresso po del që zgjidhjen që e bëmë nuk është formula e saktë për partnerët tragjik të koalicionit . Nuk po iu barazohen ekuacionet . LDK fillon të bëjë barazime lineare rreth asaj se posti i kryeministrit me sa dikastere ministrore është i barabartë .

Vetëvendosje kujdeset të ruaj status quo-n me LDK duke u përmbajtur në deklarata si kurrë më parë dhe duke lëshuar numra përqindjesh se sa përqind janë pajtuar !

Nga takimet si opozitarë të dikurshëm ata na bindën se ishin zgjidhja e problemeve të grumbulluara ndër vite . Nuk kërkuam formën eksplicite të metodatve të zgjidhjeve por iu besuam në oratori . Si duket këtu gabuam.

Flisnin se si gjendja në arsim , shëndetësi , drejtësi , ambient etj. është e rëndë dhe këtë konstatim e bënin me gojën plot . Ne i dinim problemet . Zgjidhje nuk dhanë ngase edhe nuk iu kërkua nga askush . Heshtja e ekspertëve të fushave përkatëse bëri që ata të lëvrojnë lirshëm në secilën fushë. Jepnin përgjigj`jë pozitive nga pytjet sygjestive me çmim të lirë . Krijonin banka zhvillilmore thuajse ato krijime janë pa pasoja anësore , ndërtonin laboratore , lidhnin ekonominë me arsim duke shkaktuar ulje të papunësisë dhe rritje të burimeve njerëzore . Me një politikë dialogu nga posht lart ata zgjidhnin problemin e serbëve . Reciprociteti vendosej menjëherë pasi të hiqej taksa .

Shoshitnin Universitetet sikur të ishin guralecë dhe vetëm ata më të imëtit kalonin shoshën . Qeni me tre këmbë do të bëhej me katër posa të vinin në pozitë qeveria e re me LDK dhe Vetëvendosjen . Është e bukur ta mendosh qenin teksa vrapon me të katrat !…

Paramendojmë një bankë e cila financohet nga shteti dhe e cila jep kredi me norma të ulëta interesi! Çdo të ndodhë me bankat komerciale , të punësuarit në ato banka dhe tregun e parasë në përgjithësi ? Çdo të ndodhë me investimet e pamenduara-euforike të financuara nga paratë e bankës zhvillimore me norma inflacioniste interesi ? Ku do ta gjejnë tregun në një vend ku fuqia blerëse bie papushim ? Kur ata folën për arsim , ata nuk e përmendën shujtat ! Si duket ata nuk e paskan kalkuluar shumën e shujtave të papaguara nag viti 2017-2019 . Dhe si duket , kjo tregon joseriozitet ngase shuma është serioze , dhe krejt në fund duket se ata do të vahzdojnë avazin e njëjtë të qeverisjes .

Heshtja e ekspertëve erdhi si dëshirë e flaktë e tyre në ndërrimin e klasës fundamentalisht korruptive . Ata harruan që ishin ekspert sepse u rikujtuan se fillimisht janë njerëz . Shndërrimi ishte i domosdoshëm . Ky shndërrrim bëri që interesat qytetare të llogariten si të fundit ! LDK vazhdon peshimin e posteve bile duke krijuar ekuacione të tipit Energjia = mas shumëzuar me fuqinë në katror, ndërsa Vetëvendosje diskursin e vetë publik po e bazon tek ajo se sa përqind janë në përputhje me LDK .

E fundit ishte 80%-shi i Albinit . Qdo të thotë 80% ? Se Kryeministri vlejka sa 3 ministri e jo 4 apo se 80 % e dikastereve është diskutuar dhe pajtimi është vetëm formal ? Nëse është vetëm formal , atëherë pse duhet të jetë problem ? Nëse qëllimi qenka zhvillimi i Kosovës , luftimi i korrupsionit , arsimim i dinjitetshëm dhe shëndetësi funksionale , pse qenka problem se cila parti bart shtafetën ?

Nga dita e zgjedhjeve dhe deri sot mesuam se problem nuk është jeta e qytetarit . Problemi qëndron tek zgjidhja e ekuacionit nëse Kryeministri=4 ministri apo se përputhshmëria e programit e kaloi 80% e presim derisa të bëhet 100% . Varësisht nga kapaciteti kompjuterik . Pra , shprehur në terminologjinë matematikore , pasiqë edhe Albini edhe Isa e njohin atë , ne proletarë jemi fundi u zgjidhjes së integralit , ajo +C e fundit !