Zëvendësministri i Arsimit, Shkencës, Teknologjisë dhe Inovacionit, Dukagjin Pupovci, në një konferencë për medie, tha se është duke u punuar intensivisht nga institucione në Ligjin e Pagave, raporton Ekonomia Online.

Pupovci duke iu përgjigjur paralajmërimeve të SBAShK-ut për bllokadën në arsim nëse nuk  miratohet ky ligji, ka sqaruar se deri në fund të vitit ai do të jetë gati për aprovim

“Sa i përket SBAShKU-t adresa është ministria e Arsimit. Ne kemi takime të rregullta”.

“Ata kanë shprehur pakënaqësi për Ligjin e pagave që vlen për gjithë sektorin publik dhe është duke u punuar në këtë ligj dhe deri në fund të vitit mund të aprovohet. Ne e kemi në plan shtimi e 400 psikologëve dhe pedagogëve”.

Më tej Pupovci ka thënë se procesi mësimor në të gjitha shkollat është duke u zhvilluar në mënyrë normale.

“Ky proces monitorohet nga Task-forca komunale. Pra në ato shkolla ku do të bëhen votimi të hënën mësimi mbahet nga distanca sepse nevojitet kohë për dezinfektim”.

“Dje kanë dalë rezultatet për bursat për fushën e shkencave të inxhinierisë dhe matematikës. 1 315 studentë kanë aplikuar ku mbi 800 i kanë përmbushur kushtet”, tha Pupovci, raporton EO.

“Planifikohet të jepen 500 bursa për studentë për komunitete. Me 8 nëntor ka përfunduar edhe afati për bursa për studentë e UP baxhelor e master”.