Ragip Xhaka, kandidati për deputet nga Partia Demokratike e Kosovës, ka vazhduar aktivitetet e tij me takime frymëzuese dhe plot energji pozitive, duke shpalosur planprogramin politik dhe vizionin e tij për të ardhmen.

Fillimisht, ai është takuar me profesorin dhe rekordmenin e Guinness, Agim Agushi, si dhe disa qytetarë të tjerë. Gjatë këtij takimi, Xhaka ka theksuar rëndësinë e mbështetjes së sinqertë dhe përkushtimit të qytetarëve, duke u shprehur:

“Mbështetja e Agimit dhe qytetarëve ishte e jashtëzakonshme, duke më dhënë motivim për të vazhduar me përkushtim në rrugën drejt së mirës së përbashkët.”

Pasdite, ai ka zhvilluar një takim të frytshëm me Sylejman Berishën, kandidatin për deputet nga Vitia, ku kanë diskutuar për planprogramin politik dhe vizionin për ndryshime pozitive. Xhaka ka falënderuar simpatizantët për atmosferën mbështetëse dhe energjinë që ata ofruan:

“Atmosfera ishte jashtëzakonisht motivuese falë mbështetjes së fuqishme nga simpatizantët e Partisë Demokratike në Viti.”

Përveç kësaj, Ragip Xhaka ka vizituar klubin futbollistik FC Vllaznia në Pozheran, ku ka diskutuar mbi rëndësinë e sportit për rininë dhe komunitetin. Ai ka falënderuar klubin për përkushtimin e tyre dhe ka theksuar angazhimin për promovimin e sportit në mbarë vendin:

“Falenderoj FC Vllaznia për mikpritjen dhe përkushtimin e tyre ndaj sportit. Së bashku do të vazhdojmë të promovojmë dhe mbështesim sportin në çdo cep të vendit tonë.”

Këto aktivitete dëshmojnë përkushtimin e tij ndaj përmirësimit të jetës së qytetarëve dhe mbështetjes së komuniteteve lokale.