Presidenti i Ukrainës, Volodymyr Zelenskyy sërish ka përmendur raketat “Patriot” dhe nevojën e furnizimit me to nga Shtetet e Bashkuara të Amerikës.

Ai ka thënë të enjten se vendit të tij i duhen 5% të stokut amerikan të këtyre raketave për të kaluar dimrin.

Në një intervistë me CNN, Zelensky ka thënë se Ukraina ka dy herë e gjysmë më pak raketa interceptuese këtë vit sesa kishte në vitin 2025, duke pretenduar se Rusia ka dy herë më shumë raketa balistike në muaj sesa kishte më parë.

“Këtë vit, po u kërkoj partnerëve amerikanë të më shesin 5% të raketave që kanë në stoqe. Nëse na shesin 5%, do ta kalojmë dimrin dhe do të shpëtojmë jetë njerëzish. Nëse mund të na shesin 10%, do të shkatërrojmë të gjitha raketat balistike të rusëve”, ka thënë ai, duke shtuar se Ukraina aktualisht ka 1%.

Komentet e presidentit ukrainas vijnë ndërsa më parë u raportua se ushtria amerikane ka tërhequr pothuajse 80% të stokut të saj kritik të interceptorëve të raketave dhe rreth gjysmën e raketave Patriot që nga fillimi i luftës me Iranin.

Ndërkohë, Moska dhe Kievi vazhdojnë të shkëmbejnë akuza për sulme ajrore gjatë luftës së vazhdueshme Rusi-Ukrainë, duke synuar veçanërisht qendrat logjistike të njëra-tjetrës, si dhe infrastrukturën portuale dhe energjetike.