Kryeministri i Shqipërisë, Edi Rama, vazhdon ta quajë “turp të madh të Bashkimit Evropian”, mungesën e vizave për Kosovën, shkruan sot Koha Ditore.

Shefi i Qeverisë shqiptare thotë se Shqipëria ka ndihmuar dhe vazhdon të ndihmojë Kosovën pa folur asnjëherë në emër të Kosovës, por duke folur në çdo rast për Kosovën.

Në një intervistë ekskluzive për agjencinë turke të lajmeve Anadolu Agency (AA), ai ka folur për zhvillimet në rajon, si dhe ndikimin e Shqipërisë dhe shqiptarëve si një ndër faktorët kyç në Ballkan. Ai ka folur edhe për dialogun midis Kosovës dhe Serbisë, si dhe për politikën e Bashkimit Evropian ndaj Kosovës, në veçanti lëvizjen e lirë të cilën e quajti “turp të madh të Bashkimit Evropian”.