Punësimi ka qenë një nga temat kryesore në mbledhjen e sotme të grupit parlamentar të Partisë Socialiste, ku sipas burimeve për Top Channel, kryeministri Rama u ka bërë thirrje deputetëve se duhet bërë kujdes në përzgjedhje.

“Punësimi është problemi kryesor i shqiptarëve. Ne nuk duhet ta anashkalojmë. Por duhet të jemi të kujdesshëm. Njerëzit që ne do të përzgjedhim duhet të jenë të punës. Përzgjedhjet tona duhet të jenë cilësore”, mësohet të ketë thënë kryeministri.