Kryeministri i Shqipërisë Edi Rama të shtunën foli me tone të ashpra dhe qortuese në mbledhjen e Asamblesë Kombëtare të Partisë Socialiste.

Ai u kërkoi ministrave, deputetëve dhe përfaqësuesve të tjerë të partisë, që të jenë më pranë qytetarëve dhe të angazhohen më shumë. “Qytetarët nuk hanë shifra”, u shpreh ai ndër të tjera.

E fill pas kësaj, “kokat e para të prera” janë dy drejtorë të zyrave rajonale të punësimit. Kryeministri Edi Rama u takua me drejtorët e Zyrave Rajonale të Punësimit, ku ka njoftuar edhe shkarkimin e drejtorit të zyrës së Elbasanit dhe atë të Delvinës me argumentin se nuk kanë përmbushur objektivat./TCh