Rinia Demokratike e Kosovës, është duke zhvilluar aktivitete të pandërprera, duke bërë mobilizimin e çdo dege të Rinisë Demokratike për procesin e ardhshëm zgjedhor, duke zgjedhur shtabet e tyre zgjedhore, dhe janë të gatshëm për zgjedhje. 

Këtë e konfirmon kryetari i Rinisë Demokratike të Kosovës, Donjet Bislimi i cili ka potencuar se “tashmë, të gjitha degët e Rinisë kanë zgjedhur shtabet e tyre zgjedhore, dhe janë të gatshëm për zgjedhje”, i cili njëherësh shpreh edhe vullnetin e kësaj organizate rinore, për të kontribuar në këtë proces tejet të rëndësishëm për vendin. 

Zgjedhjet nacionale janë rast të rikonfirmohet vizioni dhe platforma jonë, Dekada e Re, e cila do të jetë gjithëpërfshirëse, me vizion për të rinjtë e vendit tonë, për perspektivën tonë këtu dhe për Kosovën brenda vlerave integruese euro-atlantike, theksoi Bislimi. 

“Konstituimi i shtabeve zgjedhore të Rinisë Demokratike në tërë vendin, përbën hapin e nevojshëm për situatën në të cilën ndodhemi. Këtij procesi, Rinia Demokratike, si çdo herë, do t’i japë energji, potencial dhe optimizëm mobilizimit të jashtëzakonshëm, ashtu si deri më sot, për të çuar përpara misionin dhe vizionin e Partisë Demokratike të Kosovës dhe kryetarit Kadri Veseli”, theksoi Bislimi.