Thyerja të rregullave të izolimit e ka kthyer atë në ndër personazhet më të përfolur javëve të fundit.

Por ashtu siç do të ndodhte me shumicën e njerëzve që thyejnë rregullat, këngëtarja ka marrë vërejtje edhe nga nëna e saj Vera dhe babai Besniku, shkruan The Sun.

Rita, e cila plot dy herë i shpërfilli rregullat antiCovid, është vendosur siç duhet në vendin e saj pasi u kritikua publikisht për veprimet e saj.

Ajo u fotografua dje ku dukej e zymtë, ndërsa ishte jashtë me Besnikun pasi dyshja kaluan ca kohë duke folur për veprimet e saj.

Një mik tha: “Rita e di që i ka lënë fansat e saj masivisht të zhgënjyer dhe ndjen një peshë të madhe përgjegjësie mbi supet e saj”.

“Prindërit e saj kanë qenë të fundit që kanë ndërhyrë dhe kanë folur me të”, ka thënë më tej burimi.

“Nëna e saj Vera e vizitoi atë të dielën për t’i dhënë asaj një mësim të mirë. Dhe pastaj babai i Ritës, Besniku e nxori për një shëtitje të gjatë për të diskutuar se çfarë kishte ndodhur”, tregoi më tej burimi.

“Rita e di që ka bërë gabime dhe i është thyer nga zemra që u ka shkaktuar kaq shumë dhimbje dhe zhgënjim fansave të saj – le më familjen e saj”, tregon burimi.

“Ajo është tepër e afërt me Verën dhe Besnikun dhe ka marrë këshillat e tyre”, shtoi ai.

“Rita është një emër i madh në biznesin e muzikës, por ajo është gjithashtu një grua e re që bën gabime. Ajo ka mësuar nga kjo”.

Këngëtarja që atëherë është rikthyer në muzikën e saj dhe ka qenë në studio duke punuar në këngë të reja.

Albumi i saj i dytë, ‘Phoenix’, doli në shitje në nëntor të vitit 2018.

“Ajo është e vendosur t’i bëjë fansat e saj përsëri krenarë”, tregoi tutje ky burim për The Sun.

Rita ofroi të paguante një gjobë prej 10,000 funtesh pasi policia ndërpreu festën e planifikuar të ditëlindjes në një restorant në Londrën Perëndimore.

Më vonë doli në dritë se ndërsa ajo thyente rregullat e izolimit me miqtë e saj, Rita duhej të ishte vet-izoluese pasi ajo kishte fluturuar për në Londër nga një koncert në një hotel në Egjipt vetëm disa ditë para festës së saj.

Rita ka kërkuar falje pa rezerva për të dy incidentet.