Në rrugën Skënder Rexhepi në Klinë, raportohet se ka ndodhur një rrahje brenda në një bastore.

Katër të dyshuar, thuhet në raportin e policisë, kanë hyrë në bastore dhe kanë sulmuar një person me mjete të forta. Ata kanë ikur menjëherë në drejtim të panjohur.

Viktima ka pësuar lëndime të rënda trupore dhe është dërguar në Spitalin Rajonal të Pejës për tretman të mëtutjeshëm dhe gjendja e tij është jashtë rrezikut. Të dyshuarit janë në kërkim.