Ministria e mbrojtjes e Kolumbisë tha të hënën se një aeroplan Hercules C-130  u përfshi në një aksident në jug të vendit, me mediat lokale që raportojnë se në bord udhëtonin 110 ushtarë.

Ministri i Mbrojtjes Pedro Sanchez tha se aksidenti ndodhi ndërsa avioni po ngrihej nga Puerto Leguizamo, në rajonin jugor të Amazonës së Kolumbisë në kufirin me Perunë, ndërsa transportonte trupa nga forcat e armatosura.

“Numri i saktë i viktimave dhe shkaqet e rrëzimit ende nuk janë përcaktuar”, tha ai.

Sipas autoriteteve, në bord ishin 110 ushtarë dhe se përplasja ndodhi vetëm 3 km nga një qendër urbane.

Në fund të shkurtit, një tjetër Hercules C-130 që i përkiste Forcave Ajrore Boliviane u rrëzua në qytetin e populluar të Altos, duke mos goditur me shumë vështirësi një bllok banimi.

Më shumë se 20 persona vdiqën dhe 30 të tjerë u plagosën, ndërsa kartëmonedhat nga ngarkesa e aeroplanit u shpërndanë nëpër qytet, duke shkaktuar përleshje midis banorëve dhe forcave të sigurisë.

Autoridades confirmaron que 110 soldados iban a bordo del avión Hércules que se accidentó en Putumayo, a unos 3 kilómetros del casco urbano, tras despegar en un vuelo de apoyo militar. #VocesySonidos pic.twitter.com/pZsmW3rw7V

— BluRadio Colombia (@BluRadioCo) March 23, 2026