Në Kuvendin Themelues Shoqata e Turizmit pranë Odës Ekonomike të Kosovës ka zgjedhur sot për kryetar Ruzhdi Kurtishaj dhe nënkryetar Petrit Rizaj, me çka është rrumbullakësuar konstituimi i kësaj Shoqate.

Gjatë kuvendit konstitutiv  u theksua se aktualisht kompanitë të cilat veprojnë në lëmine e turizmit janë duke u ballafaquar me një sërë problemesh të cilat kërkojnë zgjidhje të shpejtë ligjore dhe administrative  dhe se organizimi i tillë mundëson adresimin dhe  shqyrtimin e tyre të gjithanshëm nga institucionet e shtetit.

U vlerësua se problemet me të cilat ballafaqohet kjo industri janë të lidhura me disa dispozita ligjore me TVSh për pushime, TVSh për hotelieri, cilësinë e guidave dhe mos mbrojtjen e tregut nga ndërhyrjet e kundërligjshme nga vendet e rajonit.

Të pranishmit u angazhuar edhe për aprovimin e standardeve në këtë industri dhe subvencionin e turizmit nga e institucioneve qendrore dhe komunale.

Kishte edhe vërejtje të shumta që kanë të bëjnë me Doganën e cila duhet të paguhet për mjetet transportuese të cilat në esencë janë pajisje themelore për transportuesit rrugor dhe vërejtje të tjera.