Në platformën elektronike të GAP janë dhënë informata për secilin kryetar se sa premtime ka dhënë, sa i ka realizuar në këto tri vite e gjysmë mandat, sa premtime tjera janë kryer deri në gjysmë, sa kanë filluar dhe sa janë të pafilluara.

Na bazë të kësaj platforme, kryetari i Prishtinës, Shpend Ahmeti nga 35 premtimet që i ka dhënë në zgjedhjet e vitit 2013, i ka përmbushur 20 premtime, shkruan lajmi.net.

Kurse, kryetarja e Gjakovës, Mimoza Kusari-Lila ka përmbushur 17 nga 32 premtimet e dhëna. Ndërkohë, bashkëpartiaku i saj, Agim Bahtiri, kryetari i Mitrovicë Jugore ka përmbushur 7 nga 17 premtimet e tij.

Në anën tjetër, kryetari i Prizrenit, Ramadan Muja ka përmbushur 14 nga 29 premtimet e dhëna para zgjedhjeve lokale të vitit 2013.

Kryetari i Pejës, Gazmend Muhaxheri ka përmbushur vetëm 9 nga 23 premtimet, e bashkëpartiaku i tij nga Gjilani, Lufti Haziri i ka përmbushur pak më shumë premtimet, 12 nga 22 sa i pati dhënë para më shumë se tri vitesh.

Ndërkaq, krenari i Ferizajt, Muharrem Sfarqa ka përmbushur vetëm 9 nga 19 premtimet e dhëna.