Themelohet grupit punues për trajtimin e qenve endacak në Prishtinë

Prishtinë | 10 Shk 2022 | 15:49 | Nga Ekonomia Online

Komuna e Prishtinës përmes një komunikate për media ka njoftuar se pas themelimit të Task-Forces si grup i brendshëm komunal, sot, u themelua edhe Grupi Punues për trajtimin e qenve endacak në Komunën e Prishtinës me akterë nga brenda dhe jashtë strukturave komunale.

Grupi Punues përbëhet nga:

Komuna e Prishtinës – kryesuesi;

Ministria e Administrimit të Pushtetit Lokal (MAPL) – anëtar;

Ministria e Bujqësisë, Pylltarisë dhe Zhvillimit Rural (MBPZHR) – anëtar;

Agjencia e Ushqimit dhe Veterinarisë së Kosovës (AUVK) – anëtar;

Oda e Veterinerëve të Kosovës (OVK) – anëtar;

Policia e Kosovës (PK) – anëtar;

Fondacioni për të Drejtat e Kafshëve (FDK), si ombrellë e koordinuar me shoqatat tjera – anëtar;

Asociacioni i Komunave të Kosovës (AKK).

Në njoftim thuhet se Komuna e Prishtinës ka zhvilluar strategji afatshkurtër, afatmesme dhe afatgjatë për zgjidhjen e problemit të qenve endacak, të cilat do të inkorporohen në strategjinë kombëtare.

MAPL është caktuar si pikë fokusi për hartimin e strategjisë dhe rregullores ligjore e financiare, aspekt ky shumë i rëndësishëm për zgjidhjen e këtij problemi.

“Kryetari Rama, është i vendosur që problemi i qenve endacak të trajtohet me seriozitet në bashkëpunim të ngushtë me të gjithë akterët pjesëmarrës, nivelin qendror dhe të gjitha Komunat e Republikës së Kosovës”, thuhet në njoftimin e Komunës së Prishtinës.

Fjalë Kryesore:

Të ngjashme