Samsung ka konfirmuar datën e lançimit të Galaxy S10 5G.

Fillimisht duhej ta lansonte pajisjen deri në fund të këtij muaji. Lançimi u vonua për shkak të diskutimeve të vazhdueshme midis partnerëve transportues dhe qeverisë së Koresë së Jugut.

Kompania konfirmoi sot se do të nxjerrë në treg pajisjen e parë me kapacitet 5G më 5 prill në Korenë e Jugut.

Nuk do të ketë ndonjë program para-porositjesh për pajisjen, raporton Yonhap News. Galaxy S10 5G pritet gjithashtu të shfaqet në Shtetet e Bashkuara në prill.

Pas lançimit të telefonëve të parë të palosshëm në botë, Galaxy Fold, Samsung tani po shqyrton titullin e vendosjes së telefonit të parë 5G në treg.

Megjithëse Samsung nuk ka zbuluar ende çmimet e Galaxy S10 5G, vështruesit e industrisë presin që pajisja të kushtojë rreth 1.5 milion won në Korenë e Jugut apo 1 mijë e 332 dollarë.