Ambasadori i SHBA-së në Serbi, Kyle Scott, ka thënë se dialogu në mes të Prishtinës dhe Beogradit duhet të hyjë në fazë më intensive.

Ai ka shprehur shpresën që kompromisi mes të dyja vendeve “ndoshta do të arrihet këtë vit”.

“Është më se e qartë që as Kosova as Serbia nuk do të marrin gjithçka që dëshirojnë, por që është me rëndësi që mes dy palëve të arrihet kompromisi”, ka thënë Scott për televizionin publik serb, përcjell Klan Kosova.

Dialogu Kosovë-Serbi ka hyrë në fazën e fundit, javën e kaluar është zhvilluar takimi i parë në Bruksel mes presidentit të Kosovës, Hashim Thaçi dhe atij të Serbisë, Aleksandër Vuçiq, me ndërmjetësimin e Shefes së Lartë të BE-së, Federica Mogherini.