Shala: Ramiz Lladrovci dhe kolegët e tjerë më japin kurajo për të kaluar problemet shëndetësore

Prishtinë | 09 Shk 2021 | 09:38 | Nga Ekonomia Online

Kandidati për deputet nga radhët e PDK-së, Ferat Shala përmes një postimi në Facebook ka dërguar të fala dhe falënderime gjithë kolegëve nga Dega e Partisë Demokratike të Kosovës në Drenas, e në theks të veçantë kryetarit të Komunës, z. Ramiz Lladrovci dhe kryetarit të degës, z. Sejdi Hoxha.

Në pamundësi për të qenë i pranishëm vet, si shkak i gjendjes shëndetësore Shala përgëzoi kolegët e tij të cilët po e vazhdojnë agjendën zgjedhore.

Postimi i plotë:

Të dashur miq,
Këtë mëngjes dua t’u dërgojë të fala dhe falënderime të përzemërta gjithë kolegëve nga Dega e Partisë Demokratike të Kosovës në Drenas, me theks të veçantë kryetarit të Komunës, z. Ramiz Lladrovci dhe kryetarit të Degës, z. Sejdi Hoxha, të cilët, në pamundësi për të qenë vet, po e vazhdojnë agjendën zgjedhore edhe në emrin tim.
Kur po e shoh se si z. Ramiz Lladrovci i bartë simbolet e mia kudo nëpër aktivitetet elektorale, unë marrë fuqi dhe kurajë për t’i përballuar edhe më me kurajë shqetësimet shëndetësore që i kam këtyre ditëve.
Falënderimet e mia këtë mëngjes shkojnë edhe për të gjithë kolegët tjerë kandidatë për deputetë: për z. Sejdi Hoxha (nr.35), për z. Ardian Kastrati (nr.32), për z. Petrit Hajdari (nr.70), për znj. Shqipe Zogu (nr.60), për znj. Hyrije Xhemajli (nr.54), për znj. Besa Çeku – Buçinca (nr.48), për z. Fatmir Dugolli (nr.89), për z. Arben Dautaj (nr.79), si dhe për të gjithë aktivistët e palodhur të partisë tonë në Drenas.
Vetëm një parti si PDK-ja, e cila është trashëgimtarja më e denjë e vlerave të demokracisë autentike si dhe e vlerave më sublime njerëzore e kombëtare të popullit tonë, di të jetë kaq e bashkuar dhe shëmbëlltyrë e solidaritetit edhe në ditët si këto.
Nga këtu, unë Ferat Shala, ju dërgojë përqafime vëllazërore!
Ju paça përgjithmonë!

Fjalë Kryesore:

Të ngjashme