Shtetet e Bashkuara kanë ulur normat e interesit në pothuajse zero dhe kanë lancuar një program stimulues, në vlerë prej 700 miliardë dollarësh, në përpjekje për të mbrojtur ekonominë nga efektet e koronavirusit.

Kryetari i Rezervave Federale në SHBA, Jerome Powell, tha se pandemia e koronavirusit ka ndikim “të thellë” në ekonomi.

“Parashikimi ekonomik evoluon çdo ditë dhe varet nga përhapja e virusit… Kjo nuk është diçka që dihet”, tha ai.

Rezervat Federale i kanë ulur normat në një gamë prej 0 në 0.25 për qind dhe kanë thënë se do të nisin me blerjen e bonove, një veprim ky që pompon para drejtpërdrejt në ekonomi.

Edhe Banka Qendrore e SHBA-së i ka ulur normat e interesit me gjysmë pike për qind, pas një takimi urgjent.

Ky vendim është pjesë e masave të koordinuara, të ndërmarra edhe në Mbretërinë e Bashkuar, Japoni, Eurozonë, Kanada dhe Zvicër.

Ndërkaq, tregjet e aksioneve kanë rënë ndjeshëm ditëve të fundit nga frika se paraliza ekonomike do të shkatërrojë fitimet e korporatave dhe do të nxisë recesion global.