Administrata e Joe Biden ka paralajmëruar Turqinë kundër “pritjes” së anëtarëve të udhëheqjes së Hamasit, pasi dolën raporte se disa anëtarë të lartë të Hamasit u larguan nga Katari për në Ankara javën e kaluar.

I pyetur në lidhje me raportet se qeveria turke po priste udhëheqjen e krahut politik të organizatës, zëdhënësi i Departamentit të Shtetit të SHBA, Matthew Miller u tha gazetarëve të hënën se nuk ishte në gjendje të mohonte pretendimin, transmeton abcnews.al

“Ne nuk besojmë se udhëheqësit e një organizate të egër terroriste duhet të jetojnë të qetë kudo”, ka thënë Miller, duke shtuar se kjo vlen veçanërisht në kryeqytetin turk – një “qytet i madh i një prej aleatëve dhe partnerëve tanë kryesorë”.