Shkollat dhe universitetet në Pekin do të rihapen në qershor, sipas zëdhënësit të Komisionit Shëndetësor Komunal të Pekinit, Li Yi.
Nxënësit e shkollave të mesme në klasa të caktuara do të lejohen të rifillojnë orët e mësimit më 1 qershor.
Një datë fillimi për nxënësit e shkollave fillore nga klasa e parë deri në të tretën nuk është konfirmuar, por ata në klasën e katërt dhe të pestë do të lejohen të rifillojnë mësimet më 8 qershor.
Komisioni shëndetësor tha që shkollat do të punojnë shumë për të parandaluar dhe kontrolluar përhapjen e Covid-19 në institucionet e tyre, raporton CNN.
Universitetet në kryeqytetin kinez do të lejohen të rihapen në baza vullnetare, për sa kohë që kampuset e tyre kanë zbatuar masa të kontrollit të epidemisë.