Ushtria ruse rekrutoi 15,000 nepalezë për të luftuar kundër Ukrainës, raportoi CNN më 11 shkurt, duke cituar burime të shumta.

Sipas mediave të huaja, ndërsa viktimat ruse në fushën e betejës rriten, qeveria në Moskë ka njoftuar rekrutimin e të huajve në ushtrinë e saj për një pagë prej 2000 dollarësh dhe marrjen e shpejtë të shtetësisë ruse.

Ndërkohë, qeveria nepaleze pretendon se vetëm rreth 200 qytetarë të saj po luftojnë në Ukrainë nga ana ruse, me të paktën 13 të vrarë në aksion dhe katër të kapur si robër lufte.

Por ligjvënësi nepalez i opozitës dhe ish-ministri i Jashtëm, Bimala Rai Paudyal, tha se midis 14,000 dhe 15,000 nepalezë po luftojnë në Ukrainë, duke përmendur dëshminë e burrave që kthehen nga vija e frontit.

Ndërkohë CNN, sipas të cilit medium, “shumë u kthyen të traumatizuar. Disa nuk u kthyen më”, “identifikoi” dy qendra trajnimi në Rusi, ku nepalezët dhe të huajt e tjerë po stërviten përpara se të vendoseshin në vijën e frontit në Ukrainë.

Ndërkohë thuhet se Nepali i kërkoi qeverisë ruse të ndalojë rekrutimin e qytetarëve nepalezë në ushtrinë e saj në dhjetor pasi të paktën gjashtë shtetas të saj u konfirmuan të vrarë.

Autoritetet më pas zbuluan një rrjet të brendshëm kontrabandë që rekrutonte të rinj si luftëtarë të huaj për ushtrinë ruse.

Veç kësaj, Reuters raportoi më 5 janar se Nepali ka ndaluar lëshimin e lejeve për shtetasit e tij për të punuar në Rusi deri në njoftimin e mëtejshëm pasi një numër në rritje i mercenarëve nepalezë janë raportuar të vrarë duke luftuar për ushtrinë ruse në Ukrainë.

Ndryshe, ushtritë e vetme të huaja që ligji nepalez u lejon qytetarëve të saj të shërbejnë janë ushtritë indiane dhe britanike.

Lajmi vjen pasi Ministria e Mbrojtjes e Mbretërisë së Bashkuar raportoi në shtator se Rusia po përpiqej të rekrutonte të huaj dhe punëtorë migrantë për të shmangur shpalljen e një lëvizjeje tjetër mobilizimi përpara zgjedhjeve presidenciale, të cilat do të mbahen në mars të vitit 2024.