Shumë sirianë që janë të vendosur në kufirin me Turqinë janë të pakënaqur. Ata thonë se nuk ndjehen të mbrojtur edhe pse janë larguar nga vendet e luftës.

Ata kanë shtuar se Turqia nuk është duke bërë mjaftueshëm për ata, pasi sipas tyre, edhe aty ku janë akoma hidhen bomba.

Një sirian që banon në këtë pjesë, Abu Abdullah , tha se nuk ndjehet i sigurt më as në këtë pjesë ku është.

“Ne më nuk dimë ku të jetojmë, nën bomba apo nën pemë”, tha  Abu Abdullah.

Sipas Reuters, rreth 180,000 sirianë janë vendosur në këtë pjesë të veriperëndimit, pasi ikën nga luftimet e mëdha që zhvilloheshin në qendër të shtetit.